"आतंकवादी फ़रमान / नामदेव ताराचन्दाणी" के अवतरणों में अंतर

ख़ुदा जे वास्ते सोचणु छॾे ॾियो!
भॻवान तव्हां जो भलो कन्दो
तव्हां खे ॿियो कुझु बि करिणो न आहे
फ़क़ति मारिणो ऐं मरिणो आहे
ख़ुदा जे वास्ते सोचणु छॾे ॾियो!

ख़ुदा जे वास्ते सोचणु छॾें ॾियो!
खु़दा जी खि़ज़मत में सिरु सदिके़ करियो
हूंअं बि तव्हां जो जीअणु हाणु ॿियो
कहिड़े कमि ईन्दो?
असां जो बस इहो ई धर्मु आहे
सोचणु बेईमानी आहे
बन्दूक़ ई तव्हां जी बन्दगी आहे
मज़हब लाइ कु़र्बान थियण में ई
जनम सफल आहे
ख़ुदा तव्हां खे अहिड़े नेक फ़र्ज़
लाइ मोकिलियो आहे।
खु़दा जी खि़ज़मत में सिरु सदिके़ करियो
हूंअ बि हाणि तव्हांजो जीअणु ॿियो
कहिड़े कमि ईन्दो?

ख़ुदा जे वास्ते सोचणु छॾे ॾियो!
भॻवानु तव्हां जो भलो कंदो
तव्हां खे ॿियो कुझु बि करिणो न आहे
फ़क़ति मारिणो ऐं मरिणो आहे
खुदा जे वास्ते सोचणु छॾे ॾियो!

खु़दा जे वास्ते सोचणु छॾे ॾियो!
सोचणु पापु आहे
तव्हां जे लाइ उहो पापु असां
सिर ते खणंदासीं
असां तव्हां लाइ सोचे वठंदासीं
केरु कंहिं ते केतिरो राजु करे
केतिरो ख़ज़ानो केरु कंहिं खे ॾिए
केरु कहिड़ी कहिड़ी मज़ा माणे
केरु कहिड़ा कहिड़ा सज़ा काटे
इहो सभु असां ते छॾियो
सोचणु पापु आहे
तव्हां जे लाइ इहो पापु असां
सिर ते खणन्दासीं
ख़ुदा जे वास्ते सोचणु छॾे ॾियो!
भॻवानु तव्हां जो भलो कन्दो
तव्हां खे ॿियो कुझु बि करिणो न आहे
फ़क़ति मारिणो ऐं मरिणो आहे
खु़दा जे वास्ते सोचणु छॾे ॾियो!
खु़दा जे वास्ते सोचणु छॾे ॾियो!
सोचणु बग़ावत आहे
कयामत जी घड़ीअ ख़ुदा जे

सामुहूं थियणो आहे
दिमागु़ शैतान जो घरु आहे
सोचणु तव्हां खे कमज़ोर बणाईन्दो
तव्हां खे ममता ऐं मुहबत याद ॾियारीन्दो।
तव्हां खे खु़दा खां दूर भॼाईन्दो
सोचणु खु़दा जी तौहीन आहे।

खु़दा जे वास्ते सोचणु छॾे ॾियो!
भॻवान तव्हां जो भलो कंदो
तव्हां खे ॿियो कुझु बि करिणो न आहे
फ़क़त मारिणो ऐं मरिणो आहे
खु़दा जे वास्ते सोचणु छॾे ॾियो!

खु़दा जे वास्ते सोचणु छॾे ॾियो!
तव्हां खे अज़ीम कमु करिणो आहे
आतमघाती हमले लाइ हलिया अचो
सोचणु बुज़दिली आहे
सोचणु काफ़िरनि जो कमु आहे
सोचणु मज़हब लाइ ख़तरो आहे
प्रभूअ इहो गुनाहु असां लाइ ख़ल्क़ियो आहे
इहा ज़िल्लत असां सहंदासीं
तव्हां खे सिरु तिरीअ ते रखिणो आहे
तव्हां खे अज़ीम कमु करिणो आहे
आतमघाती हमले लाइ हलिया अचो।

खु़दा जे वास्ते सोचणु छॾे ॾियो!
भॻवान तव्हां जो भलो कंदो
तव्हां खे ॿियो कुझु बि करिणो न आहे
फ़क़ति मारिणो ऐं मरिणो आहे
खु़दा जे वास्ते सोचणु छॾे ॾियो!