"अहिड़ो वाउ वरियो / वीना शृंगी" के अवतरणों में अंतर

मुंहिंजे सफ़र जो आग़ाज़
ऐं मुंहिंजी मंज़िल जो अंतु
अमड़ि! तुंहिंजी गै़र-मौजूदगीअ में
उन वक़्ति थियो, जॾहिं वरिहियनि पुॼाणां,
पंहिंजे अबाणे अङण में पेरु पातुमि।
वेढ़ेचन में अहिड़ो वाउ वरियो
जंहिं, पंहिंजी नफ़रत जी दज सां
रिश्तनि नातनि खे लुटे छॾियो।
सभु कुझु पंहिंजो हून्दे बि
पंहिंजो कुझु न हो।
ऐं...अबाणे जे साये जी महरूमी!!
तसव्वुर कन्दे ई...
अखिड़ियुनि मां आबु छलकण बदरां
मोती बणिजी अटिकी पियो
ऐं...उधमनि जी आंधी
तूफ़ान जो रूपु धारे
मन अन्दर पेही वियो।