"ओ कविता / ढोलण राही" के अवतरणों में अंतर

कविता मूं खे
तो ते ॾाढी कावड़ि आहे
चवीं त घणो कुझु थी
करे कुझु नथी सघीं!
सॼो आक्रोशु छंडीं थी मूं ते
मुंहिंजी बेवसीअ ऐं लाचारगीअ ते
मूं खे लुछाईं
हर कंहिं जी पीड़ा
मूं खे भोॻाईं
सारी सारी रात कॾहिं
मूं खे जागाईं!
किअं बि, कॾहिं को मौक़ो पाए
अन्दर मंझां उभिरिको खाई
ॿाहिर अची
मूं खे चेड़ाईं!
पंहिंजे नज़रुनि में केराए
शर्मिन्दो करीं मूं खे

ओ कविता!
मूंखे तो ते ॾाढी कावड़ि आहे!