"फ़र्क़ु / रश्मी रामाणी" के अवतरणों में अंतर

फ़र्कु आहे
वक़्त गुज़िरण ऐं
ज़िन्दगी जीअण में
ज़िन्दगी
मूं तोखे दिल सां जीअणु थे चाहियो
हर घड़ी, हर ॾींहुं, पर
वक़्तु गुज़िरन्दो रहियो पंहिंजी रफ़्तार सां
तो सां गडु आया जेके
मुंहिंजा ॾींहं रात
के उॾामी विया सुकल पननि जियां
कुझु गुम थी विया
रात जे अन्धेरे में
मुंहिंजे पाछे जियां!
कुझु वही विया वारीअ वांगुरु
मुठि मां
याद रखण लाइक़ त
कुझु बि न रहियो!

केतिरी कोशिश कयमि
पंहिंजीअ कंहिं कामियाबीअ ते
ख़ुश थी सघां
पर,
हर मुरिक में समाइजी वेन्दी हुई
लुड़िकनि जी आलणि
अन्धेरी रात
ऐं गहरी निंड जे बावजूद

अचानक
गुम थी वेन्दा हुआ
सुपना बि टांडाणनि जियां।

नाकामीअ जे किनि घड़ियुनि में
अथाह पीड़ा सहण खां पोइ बि।

ज़िंदगी
तो खे जीअण जी कोशिश
मां सदाईं कन्दसि
छाकाणि
कंहिं ख़ामोश लमहे में
ओचितो
मूं खे मिलिया कुझु रंग
हिक नंढिड़ी मुरिक
कुझु ख़ूबसूरत लफ़ज
प्यार जो अहसासु
ऐं मौत पिणि
सिर्फ़ ऐतिरो ई काफ़ी आहे
हिक शाइर जी ज़िन्दगी
जीअण लाइ।