"भॻवानु माउ न आहे / वीना करमचंदाणी" के अवतरणों में अंतर

एतिरियूं मार्मिक प्रार्थनाऊं वेनतियूं
आरती पूॼा उपासनाऊं
वॼी रहियूं आहिनि घंटियूं
दुहिल ऐं शंख।

दुखी आ, कष्ट में आहे भॻतु
पर बुधेई कोन थो भॻवानु
छा सुम्हियो पियो आहे
अहिड़ी गहरी निंड में
जो पतो ई नथो पवेसि त छा थी रहियो
आ चौधारी।

माउ खे त गहरी निंड में बि
पतो पवन्दो आ पासे में सुतल ॿार जो हालु

शायद इन्हीअ करे ई
भॻवान खे माउ न
पर पिता चयो वेन्दो आ।