"स्ट्राईक / अर्जुन ‘शाद’" के अवतरणों में अंतर

असां खे भी मुहबत आ हयातीअ सां
जे वेई हिकु दफो, ईन्दी न ॿीहर ज़िन्दगी पियारी!
इन्हीअ अहसास जी शिद्दत
रॻुनि खे ज़ोर सां पकिड़े
बिहारे थी छॾे ही खू़न जो दौरो
घड़ी खनि लाइ!

असां खे तोब जे साम्हूं वञण जो शौंक़ कोन्हे को
ख़बर आहे त फूलनि जी न थीन्दी तोब मां वरखा
रखूं था ॼाण हूंदा गर्म गोला आग जा साम्हूं!
अखियुनि आॾो ॾिसूं था ज़िन्दगीअ जी राह खे घरे
वॾी हिक सड़क आ डोड़नि थियूं जंहिं ते मौज मां नज़रुं
ॾिसी दिल जंहिं खे फूली थी समाए आनन्द में
इहो आनन्द केॾो आ!

लॻाए ॿार जे आनन्द जो अन्दाज़ो सघिजे थो
जॾहिं थो माउ विछड़यलि खे ॾिसे पंहिंजे अखियुनि आॾो
मगर राहत हयातीअ जी मिले थी जेका माणण मां
समंदर जां अथाह आहे!!

असां जी ज़िन्दगीअ खे मगर हिक ॿियो बि पहलू आ
उहो आ जुल्म जी शिद्दत!
जिअण जी खुद हक़ीक़त
हिन हक़ीक़त जे अॻियां
भासे फिकी ऐं बेअसर सारी!
बधाइनि जुल्म जे घोड़े जी था रफ़्तार
ज़ालिम बे क़ियासीअ सां
असां जे ज़िन्दगीअ जो कदुर थिए थो एतिरो जेॾो
थिए थो राह में माकोड़े या ॿिये जीत जंतर जो!

मुक़ाबिल जुल्म अहिड़े सां थिण बदिरां
असां लइ को ॿियो चारो बि आहे छा?
असां वटि वाह हिक ई आहि तंहिं खे आज़मायूं था
छॾे कम कारख़ाननि में था स्ट्राईक ते निकरूं
असां जो ही कदमु तयार जंहिं में थियणो आ
फ़ाक़ा कशीअ जे लइ
ॾियारे जोश ऐं काबड़ि घणी अहिले सितम खे थो।

असां जी हू ॾिसे हिम्मथ
डुकनि था तोबख़ाननि ॾे
जो समझनि था त पंहिंजी दिल जी ॾकणीअ खे
लिकाए तोब जे
आवाज़ में सघंदा!!
असां खे हीअ भली भित ॼाण आ
दुश्मन जे ॾकिणीअ जी

हथनि में था झलिनि बन्दूक़ खे काबू
ऐं सीने ते क़तारूं कारतूसनि जूं
बसाईंदां रहनि था बाहि जे तीरनि खे हू तेसीं
थिये जेसीं ढरी ॾकिणी संदनि दिल जी!

असीं हिन जु़ल्म खे-नंगे तशदुद खे
न वेही बस तकीन्दासीं
वधी, पुठिते न हटन्दासीं
असर गोलनि जो पवन्दो कीन मज़दूरनि जी ताक़त ते
हिमालय रश्क़ खाईन्दो असां जी इस्तक़ामत ते!