"वतन जी याद / अर्जुन ‘शाद’" के अवतरणों में अंतर

ही सियासी लीका जुड़ी था सघनि
त डही बि था सघनि
छो जो इहे काग़ज़ ते जुड़नि था
ऐं काग़ज़ ते डहनि था
मुंहिंजी सिंधु जो नक़्शो
काग़ज़ जो नक़्शो न आहे
इहो मुंहिंजी दिल जे ख़ून में चिटियलु नक़्शो आहे
जेा कॾहिं बि डही न थो सघे
मुंहिंजे दिमाग़ में समायलु
इतिहास जो अता कयलु
काइम ऐं दाइम बर्सो आहे!

वतन-दोस्ती या वतन फ़रामोशी
सियासत जो हुकुम थी न थो सघे
वतन-दोस्ती दिल जो जज़्बो आहे
पंहिंजी धरतीअ जी प्यारी याद आहे
कोई इन याद खे मूंखां किअं थो खसे सघे
केरु मुंहिंजे जहन मां
सिंधूअ जी सभ्यता जा दास्तान
सदियुनि जे सुफ़्हनि ते लिखियल
मिटाए थो सघे?

हवा में लटकंदड़ घेर
आखि़र पंहिंजी ज़मीन ते ई टिकंदा
पंहिंजी ज़मीन ई इन्हनि खे जाइ ॾींदी
ज़मीन ऐं उन जी औलाद जो
हिकु अहिड़ो नातो आहे
जेको वक़्त ऐं फासले जे ताबअ थी नथो सघे;
मंुंहिंजी सिंधु मंूखे याद आहे
मुंहिंजो पोयों नस्लु बि उन खे याद कंदो
इन में मूंखे ज़रो बि शकु न आहे

वतन जी याद हिक ॿरन्दड़ टांडे मिसल आहे
जंहिं ते भलि त ज़माने जी ग़र्दिश जी
रख चढ़ी वञे
पर उन आग जो रूह
वरी वरी इन रख खे
फूक सां उॾाए छॾींदा
ऐं टांडो पंहिंजी गर्माइश ऐं सेशनीअ सां
हमेशह चिमकंदो रहंदो!