"साड़ी / अर्जुन ‘शाद’" के अवतरणों में अंतर

तो पंहिंजी साड़ीअ जे पल्लव खे छिके
पाण खे बिल्कुल ढके ढूमे छॾियो
इन्हीअ इरादे सां
त तूं पंहिंजे
बदन खे
ॿियनि जे नज़रुनि खां
बचाए सघन्दीअं;
पर इएं कंदे
पाण तो ॾेखारियो
त औरत जो बदन
कंहिं बि हालत में लिकण जो न आहे
तुहिंजे छिकियल साड़ीअ मां
ज़नाने हुस्न जूं सुन्दर लीकूं
तिहाईं वधीक पधिरियूं थी पेयूं
एं इन हुस्न जो
हिकु ॿियो
नओं पहलू
उभिरी आश्कार थी पियो!