"अखर / हरूमल सदारंगाणी ‘ख़ादिम’" के अवतरणों में अंतर

दिल अंदर
दिल जे तहखाने अंदर
मन हूंदो आहे जॾहीं शांत
एकांत ई एकांत
कंहिं कंहिं ॾींहं
कंहिं कंहिं रात
उभरंदो आहे
ओचितो
कोई अखर

ऐं
वेंदो आहे
फहलाईंदो
पंहिंजो आकार
पंहिंजो मफ़हूम
पंहिंजो आवाज़
मुखिड़ीअ वांगुर टिडं़दो
खुशबू ॾींदो
ऐं
ईंदी आहे गूंज
उन जी
हर हंधां
लूअ लूअ मां

थींदी आहे
नूर जी बारिश
पुरकैफ़
आनंद विचां
दिल ऐं अखियूं
बाग़ बहार।