"ख़्वाब में / हरूमल सदारंगाणी ‘ख़ादिम’" के अवतरणों में अंतर

कल्ह रात
ॾिठो
ख़्वाब में
मूं
माता खे
मेरनि ऐं फाटल कपड़नि में ओढियल
बीमार
थकल टुटल
अखियूं लड़क भिनल
मूंहुं कंधु झुकियल...
आम अॻियां
लीलाईंदो।

कल्ह रात
ॾिठो
ख़्वाब में
मूं
माता खे
हिन शोर-शराबे सां भरियल धरतीअ ते
दीवार पुठियां
हर कंहिं ॾे
ॿाॾाईंदो
हथ फहलाईंदो

हर कोई
ॾिसी नकु मोड़े
वेंदो रहियो...
मिस्कीन
मरीज़ ते
न कंहिं रहम कयो।

हसरत खां
नेणनि मां
पिया लुड़िक लड़ी
दिल दर्द
ऐं सुॾिकनि खां
पेई निड खुली।

उफ़!
दुनिया में
केॾियूं न घणियूं माताऊं
रस्तनि ते
ऐं पाड़नि में
था पंहिंजे पसूं!
लीडुनि में

ऐं पेट बुखियूं
ॿचिड़नि सां
ॿांह खणी
लीलाए
ॿाॾाईंदियूं...

पर
पोइ बि
खणी
असांखे
कहिकाउ पवे!!