"आयो राम / हरूमल सदारंगाणी ‘ख़ादिम’" के अवतरणों में अंतर

हिन सां आहियां
हुन सां आहियां
कंहिं सां आहियां
-कंहिं सां नाहिया-
मां ई थो ॼाण पंहिंजो पाणु
पाण सुञाणां पाणई पाण
आहियां
मां
हरदेगी चमचो
हिन जो
हुन जो
तुंहिंजो
सभ जो
कोई मूं लइ धारियो नाहे
गै़र बि मूं लइ पंहिंजो आहे
कोई हारे
कोई जीते
केरु जो मुंहिंजो आसणु लोॾे?

सभी जी सोभ मनायां थो
पाण खे
विच में आणियां थो
सुणिस पवे जे कंहिंजे खटण जी
उन वटि पाण खे पायां थो।

कंहिंजा हार... इबलीस जी हार
उनते अइ ‘मालनि जी मार
चढ़ंदड़ सिज खे डिघो सलाम
ऐं लहंदड़ सां... कतइ कलाम।

छा जी इज़्ज़त?
छा जी गै़रत?
धरम करम या इन्सानियत?
हीउ सभु आहिनि लफ़्ज़ चवण जा
जो कुझ आहिनि... धन ऐं ताकत।

मुंहिंजो मक्सद... शेवा करि
पाण भरे
पोइ
पंहिंजा भरि
देस जी हरि शइ पंहिंजी आहि
मुंहिंजी नाहि
त कंहिंजी आहि?

कंहिंसां को तकरार न आहे
हर धुरि
मूंखे
पंहिंजी आहे
जनता, कांग्रेस का बि हुजे
गांधीअ जी पोइलॻ त लॻे!

मूर्ख नाहियां
पाजी नाहियां
सभु थो समझां
जॻ खे सुञाणां
कोई भली का चाल हले
मां तिकड़मबाज़ी खूब थो ॼाणां।