"जनम-दिन / हरूमल सदारंगाणी ‘ख़ादिम’" के अवतरणों में अंतर

किअं घर में अची
बेशमाईअ सां
साल-बि-साल
इन ई तारीख़
लख-लख थो वाधायूं ॾीं
ऐं
उन खांपोइ
उम्मीद रखीं
मां
मोट में
तोखे मिठाई ॾियां!
या केक कटियां
ऐं खारायां!!
छा
अहिड़ो अहमक आहियां मां
जो पाण फुरायां
या न कुछां?

ए दोस्त सॾाईंदड़ दुश्मन!
अॼु
तोखे ॿुधाइणो ई पवंदो
हर साल वञे थो जिअ लंघंदो
ऐं
मौत जो दर वेझो पवंदो
तूं
छो थो खिलीं?
खुशि थीं??
ऐं ठरीं???
कुझ तुंहिंजो बिगाड़ियो आहे मूं!
जो
मूंखे
मुअल ॾिसण जे लइ
हर साल बहानो थो ठाहीं!!