"शहीद भॻतसिंघ / हूँदराज दुखायल" के अवतरणों में अंतर

सूरीअ जे चढ़ियो सेज ते सालार भॻतसिंघ,
सरदार भॻतसिंघ।
भारत जो बणियो लाॾिलो दिलदार भॻतसिंघ,
सरदार भॻतसिंघ॥

हर जाइ हिन्दुस्तान थे माताम मचायो,
ऐं नीर वहायो।
हर दिल थे चयो मुहिब हो मनठार भॻतसिंघ,
सरदार भॻतसिंघ॥

लाहौर मां पहुतो जॾहिं दिल-सोज़ नियापो,
हर जा थियो सियापो
सूर्य हो सचो देश जो सींगार भॻतसिंघ,
सरदार भॻतसिंघ॥

भारत जे जवाननि जो उहो रूहरवान हो,
रोशन ऐं अयां हो।
हर दिल में फिरे गुप्त थो दीदार भॻतसिंघ,
सरदार भॻतसिंघ॥

फासीअ जो सुणी हुकमु खुशीअ में न समायो,
ॼणु बोद में आयो।
थियो तोर में वधि वीरु वफ़ादार भॻतसिंघ,
सरदार भॻतसिंघ॥

पोयों जो लिखियो पीउ ॾे हिन वीर चिठो हो,
केॾो न मिठो हो।
जंहिंमें हो चिटियो इश्क़ जो इसरार भॻतसिंघ,
सरदार भॻतसिंघ॥

भारत जी ॾकी भूंइ कंबी कहिर खां वेई,
पिया रोॼ़ में केईं॥
हो सर्सु विधो सोज़ जो आसार भॻतसिंघ,
सरदार भॻतसिंघ॥

छा चंड जे चहरे ते थे लालाण लखाई,
जीअं फासी थे आई।
महताब बि मातम सां कयो धार भॻतसिंघ,
सरदार भॻतसिंघ॥

नारिन जो ‘दुखायल’ वॻो हर जाइ नग़ारो,
हो दर्दी नज़ारो।
ॻोढ़नि जो ॻिलनि ते थियो फिरी हार भॻतसिंघ,
सरदार भॻतसिंघ॥