"मेड इन इंडिया / हूँदराज दुखायल" के अवतरणों में अंतर

तर्ज़: यही दुआ है कि दुश्मन को भी आज़ार न हो।

थल्ह: मूंखे धार्यनि जो जोड़ियलु को बि न सामानु खपे,
‘मेड इन इंडिया’ जो लिखियल साफ थो नीशानु खपे।

मूंखे रख़्तो न खपे ऐं न प्लश ब्रिटिन जो,
पंहिंजो खादीअ जो उहो खहुरो थुल्हो थानु खपे।

पीलो, कंइची ऐं न सिग्रेट खपे पासिंग शो,
पंहिंजी सस्ती ऐं सुठी पन जी ॿीड़ी पान खपे।

मूंखे, पेस्ट्री, न डबल रोटी, नथो टोस्ट खपे,
पंहिंजो ढोढो थो खपे, रोटु खपे, नानु खपे।

पेन फाउंटेन न मूंखे का विलायत जी खपे,
खासु चिटसाल सां कश्मीरी क़लमदान खपे।

छा अमेरिका जे मां टार्च या बिजलीअ खे करियां,
मूंखे सो टीन संदो देसी शमइदानु खपे।

मुंहिंजे बुत तां थो कपे मांसु मुंजे इंगलैंड ॾे,
आहिड़ो बेजान जॾो खासु न इंसानु खपे।

जे लड़ाईअ में करे ॿी न सघो कुर्बानी,
देस सदिके रुॻो ‘बाइकाट’ जो अहसानु खपे।

जो ‘दुखायल’ हो कॾहिं बागे इरम खां साओ,
हाइ सो हिन्दु जो उजड़ियल न गुलस्तान खपे।