"फैशन पूॼारी / हूँदराज दुखायल" के अवतरणों में अंतर

तर्ज़: था मुल्कु करिया बर्बाद सी आई डीअ वारा

थल्ह: था मुल्कु करियो बर्बाद - ऐ फैशन पूॼारी!
उथी आम इहा फरियाद - ऐ फैशन पूॼारी!

छो खूनी कपड़ो पायो था,
बुख भारत जी छो वधायो था!
छो घर खे आग लॻायो था - ऐ फैशन पूॼारी!

अव्हीं इल्मु पिराए जाहिल थिया,
खुद कौम जा कातिल काहिल थिया,
छो नट शट पासे माइल थिया - ऐ फैशन पूॼारी!

ज़रो दर्दु न दिल में धारियो था,
सभु कौमी फर्ज़ विसारियो था,
छो मुफत गुलामी में घारियो था - ऐ फैशन पूॼारी!

सॼो मुल्कु जॾहिं माताम अंदरि,
अव्हीं ऐशनि ऐं आराम अंदरि,
पियो पेग पियाला जाम अंदरि - ऐ फैशन पूॼारी!

अॻियां रंडक अव्हांजे न अचे,
हूंद हलचल हीअ के रंग करे,
वधि जुल्मु सहण खां मुल्कु बचे - ऐ फैशन पूॼारी!

अव्हां सदिके हज़ारें जैलनि में,
वॾा वीर वञी पिया वैलनि में,
अव्हीं अञा तमाशनि खेलनि में - ऐ फैशन पूॼारी!

जे मदद न ॾियो आज़ारु न थियो,
हिन शाहराह में ख़ार न थियो,
जे पंहिंजा न थियो त बि धार न थियो - ऐ फैशन पूॼारी!

ॾियो आथतु देस दुखायल खे,
करियो तंग न माता सतायल खे,
वठो मोटी मुल्क विञायल खे - ऐ फैशन पूॼारी!