"पंज प्यारा / हूँदराज दुखायल" के अवतरणों में अंतर

तर्ज़: सदा पंहिंजो मातम, सदा पंहिंजो ग़मु आ

थल्ह: वरी माॻ मोटी महरबान आयो,
छुटी जैलख़ाने मंझां जवान आयो।

शेर: नाउं निहचलदास जो मशहूर आहे सिंधु में
चश्में आज़ादीअ जो गोया नूर आहे सिंधु में,
जा बजा शेवा संदसि भरपूर आहे सिंधु में,
सिंधु डिक्टेटर जो कमु मंजूर आहे सिंधु में।
वरी देश पंहिंजे में दीवान आयो,
छुटी जैलख़ाने मंझां जवान आयो।

शेर: देश भॻती मुड़िस मोरूसिंध जी निरवार आ,
जंहिं जी हस्ती लाड़काणे लाइ थी सींगार आ,
आहि जो दरवेश - दिल, आला संदसि आचार आ,
जान - जिन्दु सां कांग्रेसी कार लइ जो तयार आ,
सुपात्र ही भारत जी संतान आयो,
छुटी जैलख़ाने मंझां जवान आयो।

शेर: देश प्रीतीअ में पको आहे प्यारो परसराम,
ॾेख ऐं भभके खां जंहिंखे आहि का नफरत मुदाम
मच मुहबत जा अंदर में पर न ज़ाहिर थिए कलाम,
जंहिंखे नितु आज़ादगीअ जी तात ऐं तारी तमाम,
ही मुल्की मुहबत जो मस्तान आयो
छुटी जैलख़ाने मंझा जवान आयो।

शेर: कांभरु कूंधर असांजा शेर सूर्ह्य संतदास,
ॻोठ खे त्याॻे कयो तो लाड़काणे में निवास,
ऐश इश्रत खे छड़ियो तो थी ज़मींदार क्लास,
ज़ोर सां वि/एं जेल काहे, पंहिंजी ख्वाहिश साणु खासु
शमइ मुल्की मुहबत ते परवान आयो,
छुटी जैलख़ाने मंझां जवाऩ आयो।

शेर: लालु लाखीणो असांजो लख लहे थो लेखराज,
सूर स्वराजी सब्रु सां सभु सहे थो, लेखराज,
देश शेवा में सदा सरहो रहे थे लेखराज,
सो करे जिन्सी सघे, लेकी कहे थे लेखराज,
‘दुखायल’ प्रेमी पहलवान आयो
छुटी जैलख़ाने मंझां जवान आयो।