"बुजुर्ग / धीरज पंडित" के अवतरणों में अंतर

जेकरा माथा मेॅ टीक न´
होकरोॅ बातो के ठीक न´

हे-रे-हे-रे करतै रहथो
सभ्भेॅ लेली मरतै रहथौं
तहियो-केकरोॅ फीट न´-जेकरा...

हय उमर छै पूरे आधा
सब केॅ दै छै बाधा
तोरा लागोॅ नीक न´ - जेकरा...

जे जानै उ सानै छै
कोय-कोय हेकरा मानै छै
हेकरोॅ एसनो सीख न´-जेकरा...

बाल उड़ैलकै ज्ञान सीखलकै
जे मिललै होकरे बाँटलकै
हेकरोॅ एसनो मीत न´-जेकरा...

बात मानेॅ बूढ़ा बृद्धा के
तन्मयचित आरू श्रद्धा से
छोड़ेॅ आपनो प्रीत न´-जेकरा...

जे ज्ञान की संत दै छै
पुरनके चाउरं पंथ दै छै
लागों तोरा प्रतीत न´-जेकरा...