भारत की संस्कृति के लिए... भाषा की उन्नति के लिए... साहित्य के प्रसार के लिए
"मन के फागुन / सरोज सिंह" के अवतरणों में अंतर
Kavita Kosh से
Sharda suman (चर्चा | योगदान) ('{{KKGlobal}} {{KKRachna |रचनाकार=सरोज सिंह |अनुवादक= |संग्रह= }} {{KKCatBhojpu...' के साथ नया पृष्ठ बनाया) |
(कोई अंतर नहीं)
|
22:31, 23 जनवरी 2018 के समय का अवतरण
अबकी बसंत जइसे ही
सुगबुगाइल बा
उठे लागल बा हियरा में
फगुनई बयार
गाछ से झरत पतई
करे लागल बा
समहत के तईयारी
टेसू नऊनिया नियर
कुल्ल्हड़ में...
घोर रहल बिया आलता
आमवा के माथ पs
बन्हा चुकल बा मऊर
गेना दुआर पs
सजा देले बा बनरवार
बेला-चमेली
इतरदान से
छिरिक देले बिया सुगंधी
कोयल,पपीहवा मगन
गा रहल बा सत्कार में फाग
बंसवारी में बयार मुग्ध मगन
छेड़ चूकल बा बांसुरी के तान
फाग के ई राग़ में
मनवा के ढोल-मजीरा
जोह रहल बा ऊ जोगी के
जे अबके फागुन गाई
"अहो जोगिनिया...अईनी हम छोड़ के
सहरिया के नवकरिया तोहरे कारन"
जोगीरा सा रा रा रा रा!
