"पूजो-पूजो / मथुरा प्रसाद 'नवीन'" के अवतरणों में अंतर

पूजो पूजो!
खूब भाग अउ भगवान पूजो!
धन देथुन
जन देथुन
जल्दी-जल्दी
सीताराम सीताराम के भूंजा भूंजो
जाप करो जाप
कट जैतो पाप
सब करो सबके सामने
मगर चोरी करो चुपचाप
धुँधुआ दा संख
कनखी से सब देख रहलो हे
हर-हड़ासंख
ऊ बाज नै अइतो
हवा में
ऊड़ो चाहे बहो;
तोरा घर
कपड़ा अनाज नै अइतो
इहे तो भाग अउ
भगवान के खेल हो
जे नै सुनै वाला हो
ओकरे सुनाबऽ हो
ओकर कान में कडुल तेल हो।