भारत की संस्कृति के लिए... भाषा की उन्नति के लिए... साहित्य के प्रसार के लिए
"मंतर / मथुरा प्रसाद 'नवीन'" के अवतरणों में अंतर
Kavita Kosh से
Lalit Kumar (चर्चा | योगदान) ('{{KKGlobal}} {{KKRachna |रचनाकार=मथुरा प्रसाद 'नवीन' |अनुवादक= |संग्...' के साथ नया पृष्ठ बनाया) |
(कोई अंतर नहीं)
|
15:02, 24 अप्रैल 2018 के समय का अवतरण
मन तो करऽ हे
कि मंतर पढ़ियै
लेकिन ई मंतर
कान में नै
हँका के देल जा हे
जब
भूख अउ पिआस
छटपटा हे आदमी
तब अकबका के देल जा हे
ओ देखो,
मुसहरा के बेटा के
भूत भर रहले हे
गरीब के भूख के घड़ी,
होबै लगऽ हो भुतभरी
देखला हे कभी
पैसा बाला के
पकड़ते भूत आर प्रेत?
हे काली माय!
आर कहियो केकरा?
अगर हमर बुतरूआ
ठीक हो जैतो तब
बलि देबो बकरा
पैसा के वजह
बीमार पड़ल अदमी
बकरा के जबह
गरह कटबै ले बाबा जी
मुसहरा के कर रहले हे राजी
ई कैसन चोरबजारी
गरह के फेरा में
बिक गेलै
ओकर लोटा आर थारी
इहे तरह से
गरीब के
खाल खाल रहले है
जे चतुर है
ऊ चाँदी के
चलनी चाल रहले है।