"होरियसा रँग खेलत आओ / प्रतापकुवँरि बाई" के अवतरणों में अंतर

होरियसा रँग खेलत आओ.
इला पिंगला मुख मणि नारी ता संग खेल खिलाओ॥
सुरत पिचकारी चलाओ.
काचो रंग जगत को छाँड़ौ साँचो रंग लगाओ.
बाहर भूल कबौं सत् जाओ काया-नगर बसाओ॥
तबै निरभै पद पाओ.
पाँचौ उलट धरे घर भीतर अनहद नाद बाजाओ.
सब बकवाद दूर तज दीजै ज्ञान-गीत नित गाओ॥
पिया के मन तब ही भाओ.
तीनो ताप तीन गुण त्यागो, संसा सोक नसाओ.
कहे प्रतापकुँवरि हित चित सों फेर जनम नहिं पाओ॥
जोत में जोत मिलाओ.