भारत की संस्कृति के लिए... भाषा की उन्नति के लिए... साहित्य के प्रसार के लिए
थारौ पतियारौ / अशोक जोशी 'क्रांत'
Kavita Kosh से
Sharda suman (चर्चा | योगदान) द्वारा परिवर्तित 13:32, 15 अक्टूबर 2013 का अवतरण
थारौ पतियारौ
पत्तै सूं रळकतै
ओस री बूंदां रौ
गुलाब माथै ठैरणो।
थारौ पतियारौ
हथळेवा री मैंदी
रंग-रस रौ
हथेळियां माथै राचणौ।
थारौ पतियारौ
छूवता पाण
छुई-मुई रै पौधा रौ
खुदौ-खुद में सिमटणौ।
थारौ पतियारौ
भोमियाजी रै थान
खिली धूप री साख में
अेकी रौ आखौ अंवारणौ।
थारौ पतियारौ
धजा रा लीरा नै
टोकार सूं बचण सारू
कलाई माथै बांधणौ।
