भारत की संस्कृति के लिए... भाषा की उन्नति के लिए... साहित्य के प्रसार के लिए
निशागीत / राजकमल चौधरी
Kavita Kosh से
Lalit Kumar (चर्चा | योगदान) द्वारा परिवर्तित 11:50, 5 अगस्त 2015 का अवतरण
खिड़कीसँ नीचाँ ससरिकय
इजोरिया
पसरि गेल अछि हरसिंगारक झमटगर
छाहरिमे
केबाड़क दोगमे नुका रहल अछि
हमरे कोनो कविताक
एकटा नवीन पाँती...
जेना हँसइत हो खिल खिल हमरे दुलारि
कन्या एहि जाड़मे बन्हने गाँती
आब जँ निन्न नहि भेल जीवन भरि
जागल रहि जायब
जीवन भरि एहि झमटगर छाहरिक
प्रत्याशामे
लागल रहि जायब
(रामकृष्ण झा ‘किसुन’ संपादित ‘मैथिलीक नव कविता’सँ, 1971)
