भारत की संस्कृति के लिए... भाषा की उन्नति के लिए... साहित्य के प्रसार के लिए
छोडोॅ-छोडोॅ पियाजी / शिवनन्दन 'सलिल'
Kavita Kosh से
Rahul Shivay (चर्चा | योगदान) द्वारा परिवर्तित 09:37, 14 जून 2016 का अवतरण
खुली गेलै गूथल खोपा छिरियैलै गजरा
छोडोॅ-छोडोॅ पियाजी ओझरैलै अंचरा
भांगी गेलै सबटा चूडी टूटी गेलै कंगना
खुललै नाक के रोॅ नथ चोली के रोॅ फुदना
लटघट मांगी केॅ सिनूर आँखी के कजरा
छोडोॅ-छोडोॅ पियाजी ओझरैलै अंचरा
उडलोॅ चेहरा के रग
लचलोॅ देखी अंग-अंग
भोरैं ननदी कुढैतै, मुसकैतै देवरा
छोडोॅ-छोडोॅ पियाजी ओझरैलै अंचरा
थकी हारी चान तारा
दाबेॅ लगलै किनारा
मधु पीबी पीबी पीबी मधुऐलै भंवरा
छोडोॅ-छोडोॅ पियाजी ओझरैलै अंचरा ।
