भारत की संस्कृति के लिए... भाषा की उन्नति के लिए... साहित्य के प्रसार के लिए
अरदास / मदन गोपाल लढ़ा
Kavita Kosh से
Sharda suman (चर्चा | योगदान) द्वारा परिवर्तित 09:41, 17 अक्टूबर 2013 का अवतरण
तमसो मा ज्योतिगर्मय
अधंकार सूं उजाळै कांनी
बधणै री म्हारी अरदास !
बापजी !
एड़ो उजाळो
तावड़ै जैड़ो आकरो
पळपळाट करतो
चूंधी चढ़ांवतो
ओळखांण अबखी हुयगी।
थमो परमात्मा !
कांई फरक रैवैला पछै
अंधारे अर उजाळै में।
गोबर लीप्योड़ै आंगणै
जगमगांवतै
माटी रै दिवलै रो
च्यानणो चाइजै मालिक !
ठंडो अर सुवावणो
अंधारै री तासीर नै
जड़ांमूळ खिंडावतो।
