भारत की संस्कृति के लिए... भाषा की उन्नति के लिए... साहित्य के प्रसार के लिए
म्हारौ मन / रामस्वरूप किसान
Kavita Kosh से
Sharda suman (चर्चा | योगदान) द्वारा परिवर्तित 12:22, 17 अक्टूबर 2013 का अवतरण
जोड़ायत री
टोका-टाकी
अर मायतां री
नां-नुकर रै उपराड़ै
अर म्हारै ई
नां-नां करतां
म्हरौ सूरड़ौ मन
कवि बण ई ग्यौ छेकड़
देखतां देखतां
तंगी रौ तम्बू
तण ई ग्यौ छेकड़
जकै रै तळै
कविता रौ
बेजौ बणीज्यै
जठै छोटी-छोटी जरूरतां
भूखै बाळ ज्यूं
ताणै पर बैठ/ठणकै
तागा तोड़ै,
पेटै रौ कूकड़ियौ उळझावै।
इसै में म्हारो मन
कविता बणावै।
