भारत की संस्कृति के लिए... भाषा की उन्नति के लिए... साहित्य के प्रसार के लिए
दोगला / शिवराज भारतीय
Kavita Kosh से
Sharda suman (चर्चा | योगदान) द्वारा परिवर्तित 21:16, 18 अक्टूबर 2013 का अवतरण
आपां
कित्ता दोगला हां
परपूठ वांनै
चोर बतावां
गुंडां रा सिरमौर बतावां
चालू रिस्वतखोर बतावां
भ्रस्टाचारी घोर बतावां
पण सामै मिलता
धोक लगावां
पगचंपी
अर हाथाजोड़ी
मुं‘डो जोवां गिरगिरावां
उद्घाटण-चाटण-भासण में
वांनै सैंस्यूं आगै राखां
वांसू ही फीतो कटवावां
मोटै मंचां
आप बिठावां
भासण में ताळी पिटवावां
सच्ची,
आपा कित्ता दोगला हां।
