भारत की संस्कृति के लिए... भाषा की उन्नति के लिए... साहित्य के प्रसार के लिए
बर-पिपलको बिहेमा / मनप्रसाद सुब्बा
Kavita Kosh से
Sirjanbindu (चर्चा | योगदान) द्वारा परिवर्तित 09:53, 23 अगस्त 2016 का अवतरण ('{{KKGlobal}} {{KKRachna |रचनाकार=मनप्रसाद सुब्बा |अनुवादक= |संग्रह...' के साथ नया पृष्ठ बनाया)
बर-पिपलको बिहेमा जानुछ आज
त्यसैले
पर्यावरण-कविता गोष्ठीमा जान नभ्याइनेभो ।
वधाइ दिँदै बर-पिपललाई
यति चाहिँ भन्नुछ खुसुक्क –
अब मानिसहरूले तिमीहरूको पुजा गर्न थाल्नेछन्
पूजाले तिमीहरू मक्ख परिरहनेछौ
र अरु सहोदर रूखहरूमाथि के बितिरहेको छ
तिमीहरूले वास्ता गर्नेछैनौ
तर मान्छेले पुज्यो भन्दैमा
तिमीहरूले आफू रूख हुनुको सत्यलाई
कहिल्यै नबिर्सिनू
अनि अरू नपुजिने असुरक्षित रूखहरूको
सन्चोबिसन्चो पनि ख्याल राख्नू
