भारत की संस्कृति के लिए... भाषा की उन्नति के लिए... साहित्य के प्रसार के लिए
देवी गीत 9 / रामरक्षा मिश्र विमल
Kavita Kosh से
Sharda suman (चर्चा | योगदान) द्वारा परिवर्तित 14:11, 1 अक्टूबर 2013 का अवतरण ('{{KKGlobal}} {{KKRachna |रचनाकार=रामरक्षा मिश्र 'विमल' |अनुवादक= |सं...' के साथ नया पन्ना बनाया)
जय जय होला मंदिरवा
पुरुबवा के ओरिया
शंख धुन गूँजे मंदिरवा
पुरुबवा के ओरिया.
अड़हुल फुलवा से सजल दुअरिया
लाल लाल फुलवा से सजि जाले थरिया
गम गम गमके मंदिरवा
पुरुबवा के ओरिया.
निमिया के डढ़िया प माई के असनवा
मीठ मीठ बहिके झुलावेला पवनवा
उतरेली धीरे से अंगनवा
पुरुबवा के ओरिया.
माई के भावे रोजे अछत चंदनवा
विमल करेले कर जोरिके बंदनवा
होखेला भजन मंदिरवा
