भारत की संस्कृति के लिए... भाषा की उन्नति के लिए... साहित्य के प्रसार के लिए
ऊ कुनै नाम छान्दैन / श्यामल
Kavita Kosh से
Sharda suman (चर्चा | योगदान) द्वारा परिवर्तित 11:29, 14 मई 2015 का अवतरण ('{{KKGlobal}} {{KKRachna |रचनाकार=श्यामल |अनुवादक= |संग्रह= }} {{KKCatNepaliRachna}...' के साथ नया पृष्ठ बनाया)
बुस, गोर्भाचोभ, तेङ वा राजीव गान्धी
अहँ, ऊ कुनै नाम छान्दैन
कुनै पनि नाम
सद्दाम होस्
चाहे कुवेतको अमीरको नाम होस्
या अली खमेनीको
मैले थुप्रै नाम दिएँ
तर ऊ नाम छान्दैन
ऊ कसैलाई महान् मान्दैन
सस्र्यूँको बोटमाथि टप्केको
एक थोपा शीतको ऐनामा
हिजो उसले हे¥यो आफ्नो सफा अनुहार
र आज साँझ पियो
दुई गिलास रक्सी
मैले उसलाई भनेँ– बुस, गोर्भाचोभ
अहँ, ऊ कुनै नाम छान्दैन
वश,
एउटा नाम उसलाई मन पर्छ–
कोक कारखानाबाट निकालिएको
कुनै हरुवा मजदुरको नाम
जितबहादुर
जो ऊ आफैँ हो
मैले उसलाई भनेँ–
बुस, गोर्भाचोभ
तर ऊ कुनै नाम छान्दैन।
