भारत की संस्कृति के लिए... भाषा की उन्नति के लिए... साहित्य के प्रसार के लिए
नामविश्वास / तुलसीदास/ पृष्ठ 4
Kavita Kosh से
Dr. ashok shukla (चर्चा | योगदान) द्वारा परिवर्तित 10:55, 8 मई 2011 का अवतरण
नामविश्वास-4
(71)
जोगु न बिरागु , जप, जाग ,तप, त्यागु ,
ब्रत, तीरथ न धर्म जानौं ,बेदबिधि किमि है।
तुलसी-सो पोच न भयो है , नहि ह्वैहै कहूँ,
सोचैं सब, याके अघ कैसे प्रभु छमिहैं।
मेरें तौ न डरू, रघुबीर! सुनौ , साँची कहौं ,
खल अनखैहैं तुम्हैं, सज्जन न गमिहैं।
भले सुकृतीके संग मोहि तुलाँ तौलिए तौ,
नामकेें प्रसाद भारू मेरी ओर नामिहैं।।
(72)
जाति के, सुजाति के, कुजाति के पेटागि बस,
खाए टूक सबके, बिदित बात दूनीं सों।
मानस-बचन-कायँ किए पाप सतिभायँ,
रामनामको प्रभाउ, पाउ,महिमा, प्रतापु,
तुलसी-सो जग मनिअत महामुनी-सो।
अतिहीं अभागो, अनुरागत न रामपद,
मूढ़ एतो बड़ो अचिरिजु देखि-सुनी सो।।
