भारत की संस्कृति के लिए... भाषा की उन्नति के लिए... साहित्य के प्रसार के लिए
कुण्डलियाँ / कोदूराम दलित
Kavita Kosh से
Sharda suman (चर्चा | योगदान) द्वारा परिवर्तित 09:17, 19 सितम्बर 2013 का अवतरण ('{{KKGlobal}} {{KKRachna |रचनाकार=कोदूराम दलित }} {{KKCatKavita}} {{KKCatChhattisgarhiRachna}} <poe...' के साथ नया पन्ना बनाया)
छत्तीसगढ पैदा करय, अडबड चांउर दार
हवय लोग मन इंहा के, सिधवा अउ उदार
सिशवा अउ उदार, हवैं दिन रात कमाथें
दे दूसर ला भात, अपन मन बासी खाथें
ठगथैं ये बपुरा मन ला, बंचकमन अडबड
पिछडे हावय हमर, इही कारन छत्तीसगढ।
ढोंगी मन माला जपैं, लम्मा तिलक लगाय
हरिजन ला छूवै नहीं, चिंगरी मछरी खाय
चिंगरी मछरी खाय, दलित मन ला दुतकारै
कुकुर बिलई ला चूमय, पावै पुचकारैं
छोंड छांड के गांधी के, सुघर रस्ता ला
भेदभाव पनपाय, जपै ढोंगी मन माला।
