भारत की संस्कृति के लिए... भाषा की उन्नति के लिए... साहित्य के प्रसार के लिए
गुणीजन-झांकी / कुंदन माली
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 06:05, 20 जून 2014 का अवतरण ('{{KKGlobal}} {{KKRachna |रचनाकार=कुंदन माली |संग्रह=जग रो लेखो / कुं...' के साथ नया पन्ना बनाया)
गुणीजनां री सोबत चोखी
गुणीजनां री संग
गुणीजनां री बातां चोखी
सुणवा वाला दंग
गुणीजनां रे अेड़े-नेड़े
देवगुणां रो वास
गुणीजन गुलमोहर ज्यूं लागे
गुणीजन अमलतास
गुणीजनां ने कम मत आंको
गुणीजन जग री आस
गुणीजन जायां कैयां रेसी
मिनखां पे विसवास
गुणीजनां रा म्हें आभारी
आभारी भगवान
सैंग आपने धन धन जाणो
गुणीजन थांरी खान
गुणीजन कठै बंध्योड़ा कोनीं
फिरै गाम सूं गाम
गुणीजन जग रा हेताल़ू है
अेक ठोड़ कांई काम
गुणीजन मिनखपणै रा चाकर
गुणीजन सेवक-दास
गुणीजनां री खातर बाकी
सूरज में गरमास
गुणीजनां रो टोटो कोनीं
सुणलो उण रा हाल
गुणीजनां सूं निजर हटा
सामै देख’ र चाल।
