चौपाई / मुंशी रहमान खान

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मुंशी रहमान खान »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

यही वर्ष तारीख म‍हीना। लालरूप जहाल नवीना।। 1

चार सौ आठ लिए नर नारी। पहुच्‍यो आय शहर परमारी।। 2

प्रथम जहाज यही यहँ आयो। भारतवासी लाय बसायो।। 3

दुइ जाति भारत से आए। हिंदू मुसलमान कहलाये।। 4

रही प्रीति दोनहुँ में भारी। जस दूई बंधु एक महतारी।। 5

सब बिधि भूपति कीन्‍ह भलाई।
दुख अरु विपति में भयो सहाई।। 6

हिलमिल कर निशिवासर रहते।
नहिं अनभल कोइ किसी का करते।। 7

बाढ़ी अस दोनहुँ में प्रीति। मिल गए दाल भात की रीती।। 8

खान पियन सब साथहिं होवै। नहीं बिघ्‍न कोई कारज होवै।। 9

सब विधि करें सत्य व्‍यवहारा। जस पद होय करें सत्‍कारा।। 10


दोहा

यहि प्रकार से बसत यहं गए बहुत दिन बीति।
करैं कर्म दोउ धर्मयुत कोइ नहिं बांटी प्रीति।। 2