भारत की संस्कृति के लिए... भाषा की उन्नति के लिए... साहित्य के प्रसार के लिए
कान्हा तोरोॅ बँशिया मन केॅ लुभाय हो / नवीन चंद्र शुक्ल 'पुष्प'
Kavita Kosh से
Lalit Kumar (चर्चा | योगदान) द्वारा परिवर्तित 23:32, 26 मई 2016 का अवतरण ('{{KKGlobal}} {{KKRachna |रचनाकार=नवीन चंद्र शुक्ल 'पुष्प' |अनुवादक=...' के साथ नया पृष्ठ बनाया)
कान्हा तोरोॅ बँशिया मन केॅ लुभाय हो
सूनी केॅ घरोॅ में रहलोॅ नै जाय हो
मन तेॅ करै छै रहौ सुनथैं बाँसुरिया
देखयैं रहौं तोरोॅ मोहिनी सुरतिया
आवोॅ बाँसुरिया देॅ कान्हा सूनाय हो
तोर्है लग बैठलॉे रहौं आठोॅ पहर रे
साथे साथ घूमौं कान्हा यमुना किनार रे
दिन केॅ बितैलेॅ तेॅ बितैलो नै जाय हो
सुतला में देखतेॅ रहौं तोरे सपनमा
जागला में देखौं कान्हा आपनोॅ ऐंगनमा
मनोॅ के बात तेॅ कैहलोॅ नै जाय हो
दहीवाला चूड़ीवाला बनी केॅ आवोॅ
वैदा बनी केॅ कान्हा दरद है मिटावोॅ
आधी केॅ कान्हा देॅ जिय केॅ जुड़ाय हो
