भारत की संस्कृति के लिए... भाषा की उन्नति के लिए... साहित्य के प्रसार के लिए
सायकिल / दिनेश बाबा
Kavita Kosh से
Lalit Kumar (चर्चा | योगदान) द्वारा परिवर्तित 02:35, 11 जून 2016 का अवतरण ('{{KKGlobal}} {{KKRachna |रचनाकार=दिनेश बाबा |अनुवादक= |संग्रह=हँसी...' के साथ नया पृष्ठ बनाया)
चलै छै गाँव, सहर के अंदर
सायकिल एक सवारी सुन्दर
बिना तेल मोबील चलाबोॅ
चाहे मीलों-मील चलाबोॅ
ऊर्जा लागै छै देहोॅ के
करत करबाबै देहोॅ के
एक्के साथें तीन सवारी
तैय्यो नैं करथौं इनकारी
मजा भी दै छै वें ढूवै में
दू क्विंटल सें बेसी भारी
सायकिल बोलै टन टन टन
मारो पायडिल दन दन दन
मजा के बदला लगथौं चांटा
जब टायर में गड़थौं कांटा
बड़ी करैथौं फील इ सायकिल
रग करथौं जब ढील इ सायकिल
