આણું / હરિશ્ચન્દ્ર જોશી

પાથર્યું આજે આણું
ચાકળા, તોરણ, તકિયા ભેળું સાંજ ઘેરાતું ટાણું...

પેટીઓ જરીક ખોલતાં વેંત જ પિયરિયું છલકાયું
કોડ ભરેલું ત્રાંબા બેડું પાણિયારે મલકાયું
રહી રહી પડઘાય ઊંડાણે સહિયરોનું ગાણું...

બાઈજીની અભરાઈ ફાટાફાટ, ઓરડો ઝાકમઝોળ
પોરસાતા, પાન ચાવતા ઝૂલે સસરાજી હિંડોળ
ઘૂમટા નીચે સંઘરાયું મા-બાપનું મોંઘું નાણું...

અળતો, પીઠી, ગુંદિયા કંકુ, મેંદી અને સિંદૂર
ચાર ભીંત્યું વચ્ચ ઉમટ્યું રે પાંચ રંગનું ઘેઘૂર પૂર
મનવાડીના મોરલે થાપ્યું રુદિયે કાયમ થાણું...

ટેરવાએ દિન-રાત ભર્યું’તું સપનું ટાંકે ટાંકે
આજ ફળ્યું થઈ કેસરી છોગું સાવ તે ખુલ્લી આંખે
કેટલી રાતો પીગળી ત્યારે આમ ઊગ્યું એક વ્હાણું...

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

આણું / હરિશ્ચન્દ્ર જોશી

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग