भारत की संस्कृति के लिए... भाषा की उन्नति के लिए... साहित्य के प्रसार के लिए
धीरज टूटलै/ अनिरुद्ध प्रसाद विमल
Kavita Kosh से
Rahul Shivay (चर्चा | योगदान) द्वारा परिवर्तित 23:17, 19 जुलाई 2016 का अवतरण ('{{KKGlobal}} {{KKRachna |रचनाकार=अनिरुद्ध प्रसाद विमल |अनुवादक= |स...' के साथ नया पृष्ठ बनाया)
आकाशोॅ के धीरज टूटलै,
टूटलै प्यार आधोॅ में
अरमानोॅ के दीया बूझलै
आग सुलगलै भादोॅ में ।
सोॅन आखार आरो भादोॅ कानलै
भरी-भरी आँखें लोर हो
गाछ-बिरिछ आरो रोपा काँनलै
दिन-रात आरो भोर हो ।
खेतोॅ में रोपनी विरहा गावै
हरवाहा मोहना गीत रे
जरला देहोॅ केॅ जारै छै
नै आबी केॅ हमरोॅ मीत रे ।
केना कहै छोॅ रहै लेॅ हमरा
ठोरोॅ पर टंगलोॅ प्राण छै
टुकटुक ताकौं रसता तोरोॅ
हमरौ मुख अमलान छै ।
लिखोॅ की कहिया आबै छोॅ ?
आरो हमरा लै जाबै छोॅ
गाँव टोला के कानाफूसी सें
मिली जैतेॅ हमरा त्राण हो ।
