भारत की संस्कृति के लिए... भाषा की उन्नति के लिए... साहित्य के प्रसार के लिए
यसबेला / हिरा आकाश
Kavita Kosh से
Sirjanbindu (चर्चा | योगदान) द्वारा परिवर्तित 08:55, 8 मई 2017 का अवतरण ('{{KKGlobal}} {{KKRachna |रचनाकार=हिरा आकाश |अनुवादक= |संग्रह= }} {{KKCatKavi...' के साथ नया पृष्ठ बनाया)
यसबेला
घडीको सियो एकआपसमा जोल्ठिएर
ठीक बाह्र बजेको छ
र मान्छेका छायाहरू पुड्का भएका छन्।
यसबेला
पर्यावरण नै चकमन्न छ
वातावरण नै सुनसान छ
पानीको प्रवाह पनि माथिसम्म आइपुग्दैन
र डिल ओभानो छ
तातो हावा चलिरहेछ
र सरुवा रोगका जीवाणुहरू
स्वतन्त्र उडिरहेछन्
सँगसँगै सारा वातावरणलाई
‘डिहाइड्रेसन’ बनाइरहेछन् ।
यसबेला समयले बाह्र बजाइरहेछ
र मनपरी गरिरहेछ
उठेकालाई बसाएको छ
बसेकालाई सुताएको छ
बस्न र सुत्न नमान्नेलाई
मुताएको छ
धुपौरेहरूको कहीँ कमी हुन्न
तिनीहरूलाई आफ्नो वरिपरि
फनफनी घुमाएको छ ।
घाम डुबेर
अन्धकार छ यसबेला
अँध्यारोमा कालो छाया देखिँदैन
अँध्यारोमा कालो मानिस चिनिँदैन ।
प्रियजन ।
यो कालो समयको कालो छायाविरुद्ध
आऊ, अर्को एउटा समय खडा गरौँ
र हाम्रो छायालाई
पुड्को हुनबाट जोगाऔँ।
