भारत की संस्कृति के लिए... भाषा की उन्नति के लिए... साहित्य के प्रसार के लिए
मुकरी-2 / राहुल शिवाय
Kavita Kosh से
Rahul Shivay (चर्चा | योगदान) द्वारा परिवर्तित 23:56, 9 मई 2017 का अवतरण ('{{KKGlobal}} {{KKRachna |रचनाकार=राहुल शिवाय |अनुवादक= |संग्रह= }} {{KKCat...' के साथ नया पृष्ठ बनाया)
पल मेॅ रूठै, पल मेॅ मानै
उहे करै जे मन मेॅ ठानै
मातुर दिल के लागै सच्चा
के सखि साजन? नै सखि बच्चा
चालोॅ से जें चाल मिलाबै
अंगोॅ सेॅ जें अंग लगाबै
करै बोल सेॅ सबकेॅ घायल
के सखि साजन? नै सखि पायल
कानोॅ लग जें गीत बजाबै
हमरा सौंसे रात जगाबै
जाने नै प्रेमोॅ के अक्षर
के सखि साजन? नै सखि मच्छर
रात-रात भर काम करै छै
दिन भर जें आराम करै छै
डरै सूर्य सेॅ छै बेचारा
के सखि चंदा? नै सखि तारा
स्वीटर, गलमाछी पहनाबै
आगिन आगू मेॅ बैठाबै
दाँत डोॅर सेॅ पढ़ै पहाड़ा
के सखि मम्मी? नै सखि जाड़ा
