भारत की संस्कृति के लिए... भाषा की उन्नति के लिए... साहित्य के प्रसार के लिए
दिवा / नरेन्द्र कठैत
Kavita Kosh से
Abhishek Amber (चर्चा | योगदान) द्वारा परिवर्तित 10:13, 15 मार्च 2018 का अवतरण ('{{KKGlobal}} {{KKRachna |रचनाकार=नरेन्द्र कठैत }} {{KKCatGadhwaliRachna}} <poem> हमुन...' के साथ नया पृष्ठ बनाया)
हमुन तेल देखी / अर तेलै धार
गंगा मिली त गंगा
अर जमुना मिली त
जमुना दास
रुंवा बिचारु
सदानि कमजोर रांद
तेल वे / जनै चांदू
वू वेकि करवट मा ऐ जांद
पर तेल / रुंवा तैं
पैली फुकणा चक्कर मा
अफु बि
साबुत निम्ड़ जांद
अर दिवा! / वा चीज च
जैकु कुछ नि जांद
वू रुंवा अर तेलै
मवासि फूकी अपड़ नौ चमकांद
पर सबसि बड़ी
बक्किबात त या च
कि देबी- द्यब्तौं का
नजीक बि/ दिवै बैठ्यूं रांद।
