बुझ्नै सकिनँ / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » थुँगा : वनफूलका »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बुझ्नै सकिनँ यो मनको कुरा
बुझ्नै सकिनँ झन् त्यो मनको कुरा
कहिले आफ्नो पराई हुँदा
कहिले पराई आफ्नो हुँदा
 
सँगै हिँडेको साथ छुट्दा
मनमा धैर्यको बाँध फुट्दा
व्यथाको सागरमा डुबेको पल
छुँदैन कि मन उसको कुरा
बुझ्नै सकिनँ यो मनको कुरा
 
मनको सहर बगर हुँदा
पानीविनाको नहर हुँदा
एक बूँद खुसीमा तड्पेको पल
छुदैन कि मन उसको कुरा
बुझ्नै सकिनँ यो मनको कुरा
 
सपना सबै धुवाँ हुँदा
मन सिमलको भुवा हुँदा
आँधीहुरीमा हराएको पल
छुँदैन कि मन उसको कुरा
बुझ्नै सकिनँ यो मनको कुरा
•