भारत की संस्कृति के लिए... भाषा की उन्नति के लिए... साहित्य के प्रसार के लिए
मायालु मेरो तिमी / सानु शर्मा
Kavita Kosh से
Sirjanbindu (चर्चा | योगदान) द्वारा परिवर्तित 18:37, 9 जुलाई 2024 का अवतरण ('{{KKGlobal}} {{KKRachna |रचनाकार=सानु शर्मा |अनुवादक= |संग्रह= }} {{KKCatGe...' के साथ नया पृष्ठ बनाया)
मायालु मेरो तिमी फर्केर आऊ न
बाँधेर अँगालोमा मलाई भिजाऊ न
आज पानी फेरि त्यसरी पर्दैछ
बादल गर्जेर इशारा गर्दैछ
के गरूँ म एक्लै इशारा बुझेर
भिज्दैन मन म एक्लै रुझेर
बाँधेर अँगालोमा मलाई भिजाऊ न
मायालु मेरो तिमी फर्केर आऊ न
सहारा खोज्दैछ मेरो धड्कनले
तिमीलाई खोज्दैछ मेरो रहरले
मनले मेरो तिमी खोई भन्छ
मलाई तिमीभित्रै बिलाउने मन छ
बाँधेर अँगालोमा मलाई भिजाऊ न
मायालु मेरो तिमी फर्केर आऊ न