भारत की संस्कृति के लिए... भाषा की उन्नति के लिए... साहित्य के प्रसार के लिए
पै‘लापै‘ल (4) / सत्यप्रकाश जोशी
Kavita Kosh से
आशिष पुरोहित (चर्चा | योगदान) द्वारा परिवर्तित 12:50, 1 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=सत्यप्रकाश जोशी |संग्रह=राधा / सत्यप्रकाश जोशी…)
आज जमना रै सगळै कांकड़
डांडी रै माथै
मुळकती मिमजरियां
जांणै म्हारी मांग रौ चितरांम।
पण पै‘लापै‘ल
म्हारी मांग सजावण नै
अमर सुहाग रै खातर
थूं मिमजरियां रा मोती लायौ,
तद म्हैं छळगारी लाज रै फरमांण,
माथौ ऊंचो कर लीनौ ;
डांडी डांडी मिमजरियां रळगी,
कांकड़-कांकड़ मोती रळग्या।
