कुहेसक अन्हार / अग्निपुष्प

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अग्निपुष्प »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

यदि इस वीडियो के साथ कोई समस्या है तो
कृपया kavitakosh AT gmail.com पर सूचना दें

नदीक एक कछेड़मे

थमकल तों नाह आ
दोसर कछेड़ पड़ल हम पतवार
हमरा तोरा बीचमे
पसरल अइ कुहेसक अन्हार
जतबे लागीच देख’ चाहैत छी
हम अपन दुनू हाथ
ततबे फराइ अइ
जेना हो बरेड़ी आ चिनवार,
अन्तहीन यात्राक
निस्तब्ध सड़क हम
आ तों क्रूर सवार
कतबो ढेहु उठए
नइं भेटल-ए सागरक तलमे
नेहसँ गढ़ल तोहर आकार
राजमुकुटक उच्चाकांक्षी तों
आ हम सिंहासनक पहरेदार
साज ओहिना सजौल अइ
मात्र टूटल अइ संवादक सितार
आसक पलाश हम
आ तों ऊसर पहाड़