भारत की संस्कृति के लिए... भाषा की उन्नति के लिए... साहित्य के प्रसार के लिए
उणियारो / शिवदान सिंह जोलावास
Kavita Kosh से
धरती रा इण खूणै सूं
उण खूणै तांई
जठै सूरज री सब सूं पैली निजर पड़ै
या सब सूं लारै आथमै
मिनख री जरूरत, मुस्किल एक है।
वो यूं ही मरै-जीवै
जियां म्हैं।
समंदर रै इण पार सूं उण पार
मिनख अदीठ सूं यूं ही डरै,
जियां म्हैं
रोटी अर क्रांति री लड़ाई जबरन जुध रै खिलाफ
वै यूं ही लड़ै जियां म्हैं
अठै सूं उठै तांई
हर मां री सोच, टाबर री हंसी,
घर सुपनो एक ही है
आंसू रो खार, हंसी रो ठसको,
मुळक आखै मुलक री एक ई है।
राजी होय’र वो यूं ई गीत गावै, जियां म्हैं।
