भारत की संस्कृति के लिए... भाषा की उन्नति के लिए... साहित्य के प्रसार के लिए
प्यासो / हरि दिलगीर
Kavita Kosh से
क़समु आ आलियुनि अखिड़ियुनि जो,
क़समु आ टिमंदड़ ॻोढ़नि जो,
क़समु आ कारनि ककरनि जो,
क़समु आ गंगा जमुना जो,
क़समु आ सिन्धू माता जो,
निहायत प्यासो आहियां आउं,
हॼे थो ॾाढो मुंहिंजो ह्याउं,
रणनि में हरिणीअ ज्यां डोड़ी,
पवां थो बेहद मां थकिजी,
फुड़ो पाणीअ जो हिकिड़ो नाहि,
अज़ल जी उञ्ञ अंदर में आहि,
समुन्दर पाणी पाणी आहि,
त भी सिप प्यासी प्यासी आहि,
ककर जी बूंद खपे हुन खे,
मूं खे भी हिकिड़ी बूंद खपे,
अडे, पर आहि किथे सां बूं?
अड़े, ही ॼाणां हा मां हूंद!
