भारत की संस्कृति के लिए... भाषा की उन्नति के लिए... साहित्य के प्रसार के लिए
लोकराज / मोहम्मद सद्दीक
Kavita Kosh से
लोकराज
तूं गाज्यो घणो
पण बरस्यो कोनी
जद-कद बरसी लाय बरसी
ओळा बरस्या
रोळा बरस्या
अणगिणती रा बोळा बरस्या।
लाम्बै-लाम्बै हाथां में
लाम्बै-लाम्बै बांसां पर
झांसा छरड़ा बांध‘र
ऊंचै स्यूं ऊंचै किनखै नै
ऊपर को ऊपर ही
किणियां में उळझाणियां
ओछै मोछै
बावनिये बचकानियै रै
तो तणी हाी हाथ को आण दीनी
बागां रा फूल फुसका बणग्या
काची कूंपळ, अधखिली कळी
कोई तरसै पात नै अर कोई तरसै फूल नैै।
