भारत की संस्कृति के लिए... भाषा की उन्नति के लिए... साहित्य के प्रसार के लिए
किण बिध कथूं / प्रमोद कुमार शर्मा
Kavita Kosh से
आशिष पुरोहित (चर्चा | योगदान) द्वारा परिवर्तित 13:58, 18 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=प्रमोद कुमार शर्मा |संग्रह=बोली तूं सुरतां / प्र…)
काळजै उपजी पीड़ कथूं कै
हो ज्याऊं रूंखड़ौ कोई रोही रो
उभौ रैवूं मौन !
पण -
हो नीं सकूं
के करूं काळजै उकळतै लोही रो ?
इणी खातर
सौधूं कोई जुगत
कै हो सकूं इण पीड़ स्यूं मुगत।
पण-
फेरूं करै सुवाल
ओ काळ !
‘‘ क्यूं भाया दीस्सै नीं
सुरसत रौ सूनौ भौन ?’’
अर
पसर जावै सरणाटौ
काळजै रै बीचो-बीच
जठै सबद साहित रौ
पड़यौ है आंख्यां मीच !
