भारत की संस्कृति के लिए... भाषा की उन्नति के लिए... साहित्य के प्रसार के लिए
घड़ी हरख भरी / सांवर दइया
Kavita Kosh से
Neeraj Daiya (चर्चा | योगदान) द्वारा परिवर्तित 02:33, 27 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=सांवर दइया |संग्रह=आखर री आँख सूं / सांवर दइया }} [[Ca…)
अचाणचक आवै हिचकी
बंध जावै एक अदीठ पुळ
ईं खुणै सूं बीं खुणै
देखूं म्हैं-
बिन्नै सूं भाज़ी आवै तूं
इन्नै सूं म्हैं
बीच पुळ
बाथां भेटा हुवां आपां
सांसां सागै गुंथ जावै
सांसां रा तार
थिर हुयोड़ो बगत
थिर ई रैवै
आ घड़ी हरख भरी
औ ई उच्छब
औ ई लाखीणो तिंवार
आपां मनावां बारम्बार !
